जात एउटा मात्र हुन्छ

मुसलधारे पानी एकतारै ओईरिँदा
गाउको झोलुङ्गे पुल बाढीले लैदिदा

एउटै थियो आँगन घर वरीपरी
लठ्ठा चुड्यो पहिरोसंगै घरिघरि

हो सकिन मैले सानीको हात थाम्न
सकिन मैले हाम्रो घर जाऊ भन्न

मन त अमिलो भएको थियो नराम्रोसंग
सकिन मैले बा संग अनुमति माग्न

आपदमा पनि सहयोग गर्न नसक्ने लाचार
कारण एउटै थियो हामी ब्राहमण उनि परियार

मनमनै सोचे बा ! अब त जातको कुरा नगर्नु
ज्ञान उनिमा पनि छ बेद शास्त्रको विचार बदल्नु

जात भनेको त दुईटा मात्र नारी र पुरुष अरे
सुनुहोस न बा ! कारवाही हुन्छ जातीय विभेद गरे

मेरो बिन्ति छ बा हाम्रो अर्को घर बास दिउ है
उपकार नै सबै ठुलो धर्म हो अब विचार बदल है